2025 жылдың мамыр айының 24-і күні “Нұрай” білім беру орталығында “Білімім-Отаныма” атты салтанатты жиын өткізілді

2025 жылдың мамыр айының 24-і күні “Нұрай” білім беру орталығында “Білімім-Отаныма” атты салтанатты жиын өткізілді. Жиын барысында оқушыларды, ұстаздар мен ата-аналарды мектеп құрылтайшысы Қасым Марат Жарылқасынұлы, Меркі ауылдық округінің бас маманы Шалабаев Дінмұхаммед Мұхамедұлы құттықтап, мектеп директоры Байжанова Аятгуль Молдахановна оқу жылының аяқталуы туралы бұйрықпен таныстырды. Аудандық,облыстық, республикалық, халықаралық жарыстар мен байқаулардың жеңімпаздары мен жүлдегерлері “Құрмет алаңына” шақырылып, қошемет көрсетілді. “Оқуға құштар мектеп” жобасы аясында ұйымдастырылған “Кітап оқып, жарысайық!” атты сайыстың қорытындысы жарияланып, мектеп құрылтайшысы Марат Жарылқасынұлының арнайы сыйлықтары табысталды. Сонымен қатар, “Жыл оқушысы-2025” номинация иегерлері Рысқұл Әмір және Садовой Илья бағалы сыйлықтармен марапатталды. Жиын қорытындысында мектеп түлектері соңғы вальс биін билеп, “ Қош бол, мектебім” әнін хормен орындады. 1- сынып оқушылары соңғы қоңырауды сыңғырлата соғып, ерекше көңіл-күймен іс-шара аяқталды.