«Тарихы сырлы, ертеңі нұрлы ғажап ел!» тақырыбындағы тарихи-танымдық сағатын ұйымдастырды.

2025 жылдың  желтоқсан айының  12-і күні «Нұрай» білім беру орталығында 3-4 сынып оқушылары  арасында  директордың тәрбие ісі жөніндегі орынбасары Г.Н.Бегимбаева  «Тарихы сырлы, ертеңі нұрлы ғажап ел!» тақырыбындағы тарихи-танымдық сағатын ұйымдастырды.
            Іс-шараның мақсаты: Қазақстан Республикасының тәуелсіздікке жету жолындағы айшықты ісіне шолу жасап, түсінік беру. Еліне, жеріне деген сүйіспеншілігін арттыру. Тарихты бағалай білуге үйрете отырып, ұлтжанды азамат етіп тәрбиелеу.
     Мұғалім ұйымдастыру кезеңінде «Тәуелсіздік» ұғымын түсіндіре отырып, «Тордағы құс» атты әңгіме арқылы негізгі бөлімге көшті.
        Тарихи беттерде «Қазақ хандығы», «Ақтабан шұбырынды, Алқакөл сұлама» оқиғасы,  «Ұлт-азаттық көтеріліс»,  «1986 жылғы Желтоқсан оқиғасы», «Тәуелсіз Қазақстан» атты шежірелер  баяндалып, бейнеролик көрсетілді.
       Қорытындысында оқушылар «Көк тудың  желбірегені» атты әнді хормен орындады.